falav

2星期前

鮮味五層海鮮塔@九重鮮

預先同母親大人慶祝母親節,知道媽媽喜歡食海鮮,專登同佢黎試下呢間主打食韓式蒸海鮮餐廳

提供幾款套餐都係以韓國地方命名,價錢由三百幾蚊位起,今晚就選擇首爾塔 ($398/位)

枱上預備左3款醬料 : 海鹽麻油/韓式辣醬/柚子豉油,但個人黎講清蒸食物咩都唔點食原味就仲好!

各類海鮮平均分佈係五層,有個溫度計度住,當去到95度就可以開始食第一層

可以食住D前菜,係任食架!

火爐夠力,唔駛好耐就已經食得第一層 : 象拔蚌,紅槽蘇格蘭蟶子

象拔蚌已經切好一條條,有少少嚼口,食到鮮味
而紅槽蘇格蘭蟶子,個紅槽醬係自家師傅製,甜甜地嘅味道有令人熟識嘅感覺,同爽口蟶子都幾夾,唯食到少少沙粒!

侍應主動幫手收層,咁我地就去第二層 : 日本元貝,海蝦,勝瓜,金菇等
日本元貝夠大隻,D汁可以飲埋,肉質彈牙又夠厚,食起黎相當有口感
海蝦都鮮甜夠蝦味

飲品有薏米水,清涼解渴又對健康有益,當然要叫支啦!

進入第三層 : 貴妃蚌,八爪魚,花尾龍躉

貴妃蚌鮮甜好味

第四層 : 肉蟹,花蛤,木瓜件,爆濃芝士丸

肉蟹都唔細隻,蓋都唔少膏,好香好濃滑
蟹肉清蒸完仲鮮甜,加埋少少膏一齊食,甜上加鮮

好快就進入第五層 : 鮑魚,黑汁豚肉丸, 日本南瓜,日本蕃薯,粟米及蘿蔔

鮑魚厚夠,但食落一D都唔會韌,一口就可以咬開一半,滿口鮑魚味,正!

海鮮塔全部食晒,係時候到最底層 : 粥底已經係一開始點好,加$50可以有人參雞湯半隻,雞肉釀入糯米,除左鷄之外,仲有蜆及年糕
幾層嘅海鮮精華都流落去個粥底,米粒完全煮至爆花,鷄肉有味道,人參味就偏淡,當係一個海鮮鷄粥黎食就相當唔錯!

只食海鮮塔都已經好飽,但都食左兩碗,加埋糊椒粉就仲好味D!

九重鮮: 紅磡黃埔花園11期聚寶坊地下G26號

contact me : gingerszeto@yahoo.com.hk