hkgblogs

3個月前

    Buyer Guide: AV Walker



    以前好多人第一套音響都是套裝機,一機有齊收音、擴音及CD播放的功能,不過隨著時代的進步,家中的音響就是座枱式藍牙喇叭,但即使係座枱式藍牙喇叭,功能上都有分別,有些新款產品更設有彩色顯示屏可以播片,真係豐儉由人。


    英國座枱多媒體播放器平四千


    巴頓一直都想入番套功能齊全的座枱式音樂播放器,喺房間聽吓音樂,不過市場上這類産品都幾兩極,功能豐富又好聲的都要賣七、八千銀,但早幾日行開旺角百寶利商業中心的聲耀全音,一問店長有無筍價座枱音樂播放機,店長就即刻搬咗部ROSE RS-301出嚟;巴頓眼前一亮,見到部機有個5吋彩色觸控顯示屏就知部嘢功能豐富, RS-301行Android 5.0系統,可以從屏幕睇YouTube或經USB輸入的影片,内置了八組喇叭單元,低音喇叭通過專利技術/PR (玫瑰無源輻射器) 」成為無源型,可以在20Hz的頻率下無失真地重現聲音。


    此外,更採用專利技術的耳機插孔,可大幅降低訊噪。其他規格包括ESC的Sable ES 9018 DAC和D類單路放大器,並對應PCM384kHz/32-bit及DSD 5.6MHz的播放。不過,講到尾最緊要係個價,原價$7,980,減價後$3,980就買到,足足平咗成四千銀。


    如果嫌RS-301都仲係貴的話,可以選擇英國PURE的Contour 100Di,雖然呢款機的30-pin iPhone插座已經過時,不過只要加番個原廠Apple Adaptor就一樣可以用依家嘅iPhone播歌同充電,仲有FM/DAB收音機及3.5mm AUX輸入,原價$1,480,減價後$780,兩部機都算靚價,要平要貴自己揀。