TutorCircle

2個月前

CITY都有傳媒讀?

城大嘅媒體及傳播系係文學院轄下,

所以都要讀文學院要求嘅課程。

不過自由度相當之高,

學生可以根據興趣去選讀社會科學、翻譯、或者係政治等等唔同嘅野。

城大傳理

至於講到科系嘅課程,就非常之多元化,

例如會讀到新聞理論、公關、電影製作、媒體法律、傳媒研究等等,

當中涉獵嘅範圍非常之廣!

係Year 2 嘅時候,學生就可以係

「數碼電視及廣播」同「媒體與傳播」揀自己專修項目(Major)。

顧名思義「數碼電視及廣播」就係讀同電視相關嘅野,

例如係試做主播報新聞,點樣拍電視廣告等等。

而「媒體與傳播」就係做多啲微電影或者廣告製作,

同埋公關方面嘅野,兩者都非常實用架!

學校對呢科嘅投資好充足,

有先進嘅設施同儀器去配合同提升學習嘅質素,

例如有3D電視拍攝製作及控制室、廣告設計及拍攝製作室,

係咪聽落都覺得好開心呢?

城大傳理

雖然呢科嘅考試相對上少,

但每份Project需要花嘅時間亦都相對地長,

所以唔好以為好輕鬆啊。

不過當你見到成品,一定會覺得好滿足。

(原文: 城大傳理)

此文章純屬 Tutor Circle Blogger 個人分享,並不代表本網誌立場。

點解咁多人揀私人補習都唔去大型補習社呢?