TutorCircle

2星期前

屋企「回血」嘅三個方法

首先恭喜各位終於捱過DSE呢個難關
(如果仲有英文oral嘅唔好打我,我衷心為你打氣的)
而接下來大家都要迎接一段悠長而美好嘅假期
不過霎時間由dse戰鬥mode轉去hea mode,
相信都好難習慣架啦
以前去開自修室、學校、補習社
宜家一落床都唔知可以去邊同做咩
唔少人只會系屋企篤電話同篤電話
(連facebook都碌到幾年前嘅動態omg)
如果你系屬於懶得出街但又唔想系屋企發霉嘅朋友
以下可以做嘅野應該幫到你地啦~
一個人活動
執書

考完dse自然有好多堆積如山嘅書呀筆記呀諸如此類
筆者嘅notes已經堆到成地都係,望到都心情煩躁
所以強烈建議大家搵日抖足精神同d書本筆記大戰三百回合
不過今次就唔洗再溫書啦,執走佢地就可以
大家可以將筆記分門別類
例如系賣比人、送比人、要扔掉(唔建議)、留翻自用(將來讀大學需要)等等
搵下有無相熟嘅師弟妹,將筆記轉贈比佢地
有補燈塔嘅同學可以參加佢地嘅講義轉贈計劃
篩到最後先將真系無得救嘅棄置
(如果系純紙張就建議回收啦)
呢項活動絕對唔係一時三刻可以完成
一定可以佔用各位嘅時間
而且當你執完書之後望到煥然一新嘅書房書架書枱
保證大家會更有心情做其他野
(例如準備7月書展瘋狂掃新書哈哈)
一個人活動
做家務

呢個系筆者建議嘅must-do job 點解咁講?
因為佢一黎可以增進你同屋企人嘅感情
同時都培養下自己嘅自理能力
尤其系大學想住hall嘅同學仔
到時洗衫煮飯掃地吸塵全部都要靠自己
倒不如趁宜家預先練習定,
以免到時發生第三次世界大戰
咁多項家務最容易系掃地吸塵洗碗
但係最有趣就一定係煮飯仔(心心眼
大家可以參考youtube同facebook嘅教學短片
揀d容易入手嘅,由買到煮都一手包辦
適逢五六月有母親節父親節,
煮翻幾味令屋企人開心下都係唔錯嘅選擇
唔好以為煮一餐只係好快嘅事
第一次煮嘅時候隨時佔用大家兩三個鐘
如果真系有興趣可以比各位兩個溫馨提示
第一就係去街市買菜記得要頹look,
如果唔係好易比檔主抬高價格
第二就係一開始入廚味道都係次要,
確保食物乾淨熟透先系第一位|
祝大家好運啦
一個人活動
休閒

無錯啦,話明呢個系假期,點會少得休閒活動?
不過始終呢個係家居生活篇
所以筆者會介紹一啲一個人「毒留家中」都可以做嘅活動
除左最常見嘅打機同篤手機
大家可以下載popcorn time免費睇戲
呢到提供嘅多數都係外國電影無中文字幕,可以順便訓練埋英文
但系有d戲佢要load好耐,所以或多或少都睇各位運氣

如果唔想咁麻煩,睇書永遠都係最佳選擇
一本小說都可以睇成幾個鐘
而且依家終於唔洗好似考dse咁要記要背
隨心所欲,唔中意就隨時放低,感覺輕鬆得多
如果仲系嫌呢d太悶,又想留系屋企
筆者就建議大家買副拼圖甚至系立體擺設系屋企慢慢砌
消磨時間之餘完成之後又好有滿足感
隨時可以當系禮物送比人,
自家製作,你話幾有心思呢?
一個人活動

 

(原文: 一個人活動)

此文章純屬 Tutor Circle Blogger 個人分享,並不代表本網誌立場。

點解咁多人揀私人補習都唔去大型補習社呢?