自言自魚

1個月前

[美食] 一人一鍋自己話事, 冬蔭功湯底最惹味

葵芳開了個新的兒童歷奇公園, 成為小朋友新天地. 帶QB去公園玩下, 自己又行葵廣買下野, 已經係滿滿既節目了! 雖然去掃街食小食好吸引, 但就唔太岩咁細個既小朋友, 所以晚飯都係正正經經找間餐廳食比較好. 新都會既食店都有好多選擇, 趁天氣涼涼地, 食火鍋最適合不過, 今次就去了牛陣的姐妹店但馬屋食任食火鍋放題. 

​晚市時間, 排隊人流也真多, 訂了枱取了飛也得等上15分鐘左右. 女兒等着等着常問為何這麼久還未有位, 小孩子的耐性真的需要多加訓練.

未入座前度下高先, 小朋友90cm以上要收費. 說時遲那時快, 店員已叫我們的號碼可以入座, 心中舒一口氣, 不用再為安撫孩子情緒苦惱了...
店內都幾大, 以木製設計為主, 有種小清新田園風, 座位空間濶落, 光線充足, 感覺舒適.  

跟一般日式火鍋店不同, 這裡採用的是一人一爐方式. 這點我幾欣賞, 因為去打邊爐常常一夥人共冶一爐, 氣氛雖好, 但也得講究衛生和口味問題. 一人一爐自私食, 想要什麼湯底, 什麼配料, 自己話事, 不用顧及其他人, 亦不怕當中有人傷風感冒共食, 減少交叉傳染風險.
90分鐘火鍋放題, 有幾個不同價錢, 主要分別在於牛肉的種類而定. 價錢由$179 - $329不定. 而湯底則有5款: 千夜鍋, 甘露鍋, 藥膳麻辣鍋, 美肌鍋和意式蕃茄芝士鍋

選定了套餐, 牛肉可任食, 而自助櫃中的配料, 飲品也是任飲的. 
配料以丸類, 麵食, 蔬菜為主, 選擇十分多. 

醬料亦有多款選擇, 如日式燒汁, 芝麻醬, 柚子汁等等, 其他蔥蒜配料亦充足. 
上菜時間明快, 在我拿醬料和配料之時, 已魚貫送上. 我們點了中價的澳洲穀飼牛套餐, 除了牛肉, 還有豚肉可點, 但因為只愛吃牛, 沒有等意點豚肉了. 
湯底我選了冬蔭功, 橙紅色湯底, 滾起了泰式酸辣味四溢, 很醒胃呢! 輕輕呷一口, 味道又不如想像中辛辣, 有濃濃的香葉, 青檸, 南薑味道, 夠酸夠濃味. 湯底中有蝦, 魷魚, 草菇, 口味正宗, 香大於辣, 一般人也能接受. 用來配麵類, 丸類, 牛肉也十分惹味.
爸爸則點了美肌鍋 (男人竟然要美肌XD), 奶白色雞湯, 味道相對較淡口, 但感覺正氣滋潤, 跟冬蔭功一濃一淡, 可平衡口味. 
跟餐是澳洲穀飼牛, 油花分佈平均, 色澤嫣紅. 牛味香濃, 油份充足, 很有嚼勁, 跟和牛入口即化不同, 各有優勢, 這個更有質感. 來回encore了3-4次, 過足涮牛肉癮了. 

其他配料當然也不能缺少, 貢丸, 墨魚丸都很香很彈牙.
麵類也有很多選擇, 配火鍋個人始終最愛烏冬和公仔麵, 另外有南瓜片, 芋頭片, 腐皮, 響鈴等, 中和過多的肉氣, 又夠飽肚.

火鍋吃得健康與否, 視乎如何配搭和選擇食物, 吃點蔬菜絕對能平衡, 這裡供應的蔬菜也有很多款, 其中推介羽衣甘藍, 口感紮實帶點粗鞋, 作沙律吃會過硬,但煮熟了卻出奇的有咬口, 菜味獨特而香濃, 一般的super food味道也未必太易為人接受, 但羽衣甘藍用作打邊爐卻出奇地美味, 不知不覺吃了很多, 感覺很健康呢!
飲品有各式汽水, 茶, 果汁等.
另外有香茅蜜糖茶供應, 清香解膩, 剛巧這天有少少喉嚨痛, 正好可滋潤一下, 比汽水更好呢. 
對QB來說, 任食雪糕這環節最重要, 供應4款Haggen-Dazs任食, 由開餐時已嚷着要食了.
除了有藍莓, 士多啤梨味等, 今次還有較特別的花生醬味還呢, 吃了4球, 小女滿足了! 90分鐘很快過, 店員也會準時來結脹和收枱, 不想最後吃得很趕急, 一定要好好控制時間, 享受美食呀! 
但馬屋 
地址: 葵芳興芳路223號新都會廣場2樓251-255號舖
電話: 24209381


聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤The Ztyle❤ ❤She.com❤ ❤wordpress
Beauty Exchange❤ ❤weshare❤ ❤博勢力❤ ❤esdlife
mamibuy❤ ❤ubaby❤ ❤Oh!爸媽❤ ❤ 親子日常
chef-diary❤ ❤cook1cook❤ ❤OpenRice❤ ❤Pixnet