自言自魚

2星期前

[美食] 元朗高質西餐廳

前個排日日落雨, 濕笠笠街都唔想出, 成個星期都好似無離開過元朗. 好在, 依邊就係食店多, 自給自足, 唔駛出城一樣可以食好西. 記得之前朋友介紹過凡直友里, 因為個名太有玩味, 印象深刻, 周末唔想煮, 一於同老公黎撐枱腳. 

​本來還想着帶埋囡囡黎食, 但因她想睡覺便放棄了. 入到店內才慶幸自己無帶囡囡黎, 因為座位比較窄, 而椅子也較高身, 實在未必適合小朋友來. 但入座時已坐無虛席, 好不旺場.

長方型的餐廳, 一邊做了廚房和酒櫃, 放了很多不同的洋酒. 

即開生蠔也是賣點, 這天有太平洋蠔和蘇格蘭石蠔, $58一隻, 因為對生蠔沒太多硏究, 不知是否抵食.但都見幾多人點的.

先點了兩杯Mocktail: Pine'Art'ple & Red Melon Fizz 

PineArtple 集合菠蘿汁, 青檸汁, 雪碧等, 味道清新可口, 相當解渴解熱. 
Red Melon Fizz 則有西瓜汁, 青檸汁和梳打水, 同樣鮮甜解渴, 適合悶熱天氣.

啤酒脆漿酥炸魷魚圈配芥末蜜糖醬 
分量十分多, 鮮魷以啤酒脆漿包裹再炸, 能吃出粉漿的淡淡麥香, 亦較軟身, 魷魚鮮味而韌性豐富, 是用新鮮魷魚所製, 並非雪藏貨. 配以芥末蜜榶醬, 辛辣中帶點香甜, 佐酒一流.


魷魚煙肉菠菜芝士忌廉汁意粉 
賣相精緻, 忌廉汁相當豐富, 味道Creamy得來亦不過膩, 配料有蕃茄乾, 鮮魷魚, 菠菜, 煙肉等, 意粉彈牙, 醬汁夠, 吃起來濃味又帶濕潤感, 很有水準.


牛肉墨西哥烤餅 
老公至愛食品之一, Quesadilla外皮烘得啡脆, 夾着原片的牛肉, 洋蔥, 芝士, 磨菇汁等, 再配以三款醬汁: 蕃茄沙沙, 牛油果醬, 酸忌廉, 每口都充斥着不同味道和層次, 充滿新鮮感, 薄餅皮滿有麥香, 牛肉稔滑有嚼勁, 吃完很是滿足.


低温慢煮烤乳豬配無花果乳豬汁
用上30日大的乳豬, 以12小時低温慢煮, 保留乳豬的原汁原味. 乳豬外表香脆, 肉質十分Juicy嫩滑, 亦很入味, 不用再點醬汁都很惹味. 若喜歡濃味, 點少少無花果乳豬汁, 有特別的果香, 跟一般的燒汁不同, 很有心思. 
乳豬底鋪了手指薯, 椰菜等配菜, 薯仔粉諗, 小椰菜備有獨特澀味, 頗能中和飽膩. 份量看似不多, 但吃起來卻很飽肚. 


不講環境, 凡直有里的食物水準確實十分到位, 做到高級西餐的水平, 小店來說, 實屬難得. 服務員也醒醒目目的, 效率亦快, 回應訴求反應也快, 讓人感到稱心. 只是大班人聚會確實有點難度, 但無可否認, 也是慶生的旺場, 只短短個多小時, 已看見三個蛋糕先後出場,還奉送煙花爉燭, 氣氛熱鬧, 我們也被感染到愉快的氣氛呢! 

凡直友里 
地址: 元朗又新街53-59號滿利大廈地下
電話: 26441222

聯絡合作和活動:
email: sherice_hy@yahoo.com.hk
Facebook: Mini Bubble Corner

Blogspot❤ ❤The Ztyle❤ ❤She.com❤ ❤Beauty Exchange❤
weshare❤ ❤ULifestyle❤ ❤博勢力❤ ❤esdlife❤ ❤Pixnet
mamibuy❤ ❤ubaby❤ ❤Oh!爸媽❤ ❤ 親子日常
chef-diary❤ ❤OpenRice❤ ❤wordpress