2個月前

    韓式第一鍋@The Joomak

    港式台式火鍋就打得多, 韓式火鍋真係未食過, 經過呢間韓食店知道有韓式火鍋, 新一年就咩都要試下啦


    餐廳面積唔算細, 昏暗燈光配合K-POP, 一邊食一邊"UN", 好有FEEL呀

    行入內有窗口位, 望住海景食又會否再好FEEL D呢?!  預岩時間仲可以睇埋幻彩詠香江, 雙重享受
     

    火鍋湯底選擇有兩款, 我地鍾於傳統要了人蔘春鷄湯底 ($295)
     

    黑色器鍋湯面上有紅棗及杞子, 紅黑配, 加埋條人蔘, 畫面好靚, 滾起就食得!
     

    當然第一時間要飲頭啖湯, 湯底幾清又唔會有層鷄油, 蔘味幾濃, 杞子又甜, 飲完感覺幾舒服!
     

    韓菜講求養身, 餐廳選用西班牙無激素走地鷄, 話明係春鷄, 唔會太大隻, 但兩個人食係足夠嘅!
     

    鷄皮唔厚, 無咩脂肪, 肉質算嫩滑, 點少少鹽調下味, 一貫人蔘鷄湯食法!
     

    鷄身內釀入糯米及粟子, 增加飽肚感
     

    完成了咁蔘味嘅人蔘鷄湯後就可以開始火鍋時間

    火鍋盤方面有三種選擇, 海鮮/素菜/韓牛, 見到"韓牛"兩個字已經出現心心眼, 一於選擇呢個韓牛拼盤 ($498/2人用)
     

    食材相當豐富, 包括:
    頂級1++韓牛 (大)
    自家製泡菜墨魚滑及自家製泡菜鯪魚滑
    鮮雪耳
    羽衣甘藍, 粟米件, 紫薯, 南瓜, 豆結及脆皮芝士腸
     

    頂級1++韓牛 (大), 肉色艷紅, 整齊舖滿整個碟, 份量都唔少
     

    為左保持肉質口感, 切成薄片, 只需十零秒就轉晒色, 肉味超濃, 肉質嫩滑, 單食夠肉味, 點少少特製醬汁, 酸甜味道都好好味!
     

    加鮮雪耳, 食時剪開一舊舊, 雪耳索晒人蔘鷄湯味, 食時要小心熱湯, 但兩者配合好鬼夾
     

    自家製泡菜墨魚滑及自家製泡菜鯪魚滑, 前者口感偏腍未夠彈牙, 泡菜味偏重; 後者就食到好香鯪魚肉味, 兩款用黎做火鍋配料都OK!
     

    豆結亦係鮮腐皮打成結, 亦似鮮雪耳咁索入蔘鷄湯, 為淡味嘅豆結加添味道; 另外粟米件及南瓜亦夠鮮甜, 加埋超級食物羽衣甘藍, 各方面嘅營養都顧及到!
     

    韓國就連火鍋都好注重養身, 佩服...........佩服.......!!  另外呢度仲有韓式飲品, 下次黎可以試下飲下嘢, 食下其他食物都唔錯喎!
     
     
     
    The Joomak : 尖沙咀廣東道3-27號海港城海運大廈3樓LCX34號舖

    contact me : gingerszeto@yahoo.com.hk