Fingyan Wing

4個月前

♥R&W♥婚享 #3:自拍Pre-Wedding の 日系小清新婚照 ✿ 婚紗禮服篇 ✿

上年12月去完旅行回來一直忙忙忙,因為籌備婚禮真係要按步就班,上回跟大家婚享了我倆選擇大日子場地,用心的婚享

 

確是得到大家的支持!

 

先在此文感謝ESD把我就篇用心的功課貼堂,仲誤打誤撞得到這張HK$25 Starbuck Coupon作鼓勵,先感謝大家!

 
 

這篇是搶閘婚享的,因為我倆未學行先學走,襯著上年年尾去到東京旅行時,抽了一天去到東京尋找一些特別、「好日本」的地方自拍婚照♥

 

大家都知在香港搵隊Crew去影要包埋工作人員機票,真不便宜呢~

 
 

其實這次我地都唔係第一是去自拍了,因為我地幾年前已經有結婚這個念頭,開始留意到大家都有自拍Pre-Wedding的玩意,作為每次去旅行都要帶腳架合照的情侶確是一個很好的練習機會呢~

 
 

但係自拍Pre-Wedding需要準備的東西很多,因為只有主角兩人,由拍照、化妝、造型、燈光、擺POSE、道具等都只有我地兩位,事前功夫真係少不了,兩手準備,到埋位拍攝時就可以更加順利!

 
 

其實所謂Pre-Wedding分好多種,正常的就要著哂婚紗禮服的,但宜家都好流行著情侶裝/白裙便服去影,但我就一直覺得要穿上婚紗禮服先可以叫做Pre-Wedding,後者的只能叫情侶生活照!大家覺得對嗎?

 
 

所以婚紗禮服真係今次自拍最重要的主角,所以這篇就跟大家分享我們自拍所買的婚紗禮服等造型,理所當然就是向偉大的淘淘出發,襯著雙11就去入手啦!

 
 

《婚紗》

 
 

因為今次想要影一些小清新的感覺,同埋留意婚紗是要帶去外地的,基於行李容量所限,同埋拍攝當日穿婚紗也要幫忙拎行裝,旅拍是都選擇輕便齊地的婚紗比較理想,所以大傘裙同超長拖尾的並不是這次選擇的條件內~

 
 

所以我今次主要搵輕婚紗為主!

 
 
 

淘淘選購婚紗小Tips

1.     評價:一定要睇評價同買家實物圖,因為婚紗好多時都是轉戴一些外國Model照,實物跟官方相可能有差距(尤其是Lace款,因為通常平價的Lace都係好”娘”的)

2.    尺碼:留意婚紗是拉鏈款/鈕扣款/綁帶款,如果是拉鏈款/鈕扣款的婚紗,如果無岩Size就留意有冇得訂造,否則尺碼一定度到Fit身先好睇,唔係好易太大/太細穿唔落;如果是綁帶款,Size未必貼身都可以,最好預大好過預細,因為綁帶仲有少量走盞位

3.    格價:搵到心儀的婚紗時,可以善用”找相似”的功能,可以方便格價,因為同一條婚紗在不同店舖價錢都可以相差幾裹

4.    領取店舖優惠券:好多時店舖都會有不同的折扣優惠券,買滿指定價格就可以有一些的優惠

 
 
 

其實在淘淘內的婚紗價格差距都好大,幾百蚊至到幾千蚊選擇都會有,當然貴的當然也有道理的,大家睇真實買家評價就可以分別出來~

 
 

今次想搵輕婚紗,一早已經睇中左好幾條差唔多款,但在細節位同剪裁都有唔同!

 
 
 

人民幣400以下的選擇如下:

A)

 

 

B)

 
 

C)

 
 

D)

 
 

E)

 
 

F)

 

 

人民幣400以上的選擇如下:

G)

 
 

H)

 

 
 

其實以上的裙子都有共通點,思前想後,大家估到我揀邊條嗎?(其實頭一張相已經有答案了

.

.

.

.

.

登登登登!就係最尾一條,亦都係咁多條之中最貴的一條,在雙11時有人民幣100蚊優惠我先捨得入手,亦都考慮了好耐,雖然呢條裙評價唔多,但係同店舖我睇中另一條的評價實物圖跟Model相片比較接近,所以就膽粗粗入手了!

 
 
 

一齊實物開箱啦!

 

 

收到之後果然沒有令我失望,十分滿意~

 
 

 

首先是上身不是平時的Tube Dress款,是半短袖的款式,上身以Lace加閃片,而最欣賞Lace十分仔細,而且好柔軟唔刮肉~

 

Close Up俾大家睇下D Lace,真係唔係一般淘淘幾百蚊的質素呀!(心心眼

 

而且下擺的紗裙位置比我想像中”大舊”,幸好一整條也不算太重,只有1KG左右~

 

上身圖

 

我身高160CM,當日只穿上波鞋方便走動ma~婚紗跟Model相片中的有90%以上相似!

 

上身的Lace及閃片都很美美的,過鏡後都有輕微Bling Bling效果,唔會太過Over~

 

而這款婚紗是鈕扣款的,我這個是S碼,賣家提供的尺碼都十分準確,S碼剛好就是我的尺碼,太好了~

而半透的Lace位,若隱若現的玉背好美耶~超喜歡這個部位!

P.S. 這個鈕扣是換上後要男人出手幫忙扣的,不過扣鈕比起綁帶簡單一些吧(笑

 
 
 
 
 

隱形內衣NuBra

 

著婚紗一定要著隱形內衣NuBra,也用過幾款的NuBra覺得不太好用,所以今次就膽粗粗係淘淘買左個平價的NuBra~

 

睇過評價呢款比較多人買,而且好多買家評實同實物圖,價錢都係人民幣43蚊,好抵玩,著幾次都抵啦!一於試下佢!

 
 
 
 

實物圖

 

 

內附穿著的說明,仲有個存放盒附送,好貼心~

 

 

一拎上身就覺得佢比一般的NuBra輕身好多~

 

而入面有不少的氣孔,可以在穿著時都透到氣,唔會焗身~

 

質地及形狀是仿人手的設計~

 
 

而先貼好再用前扣扣上,穿著方法好簡單!

 
 

用後感:

我覺得呢個NuBra唔錯,我當日穿了大半天都唔會有唔舒服既感覺,而且十分輕身,第一次穿著的黏力好足夠,不過可以著多幾次黏力會開始減低~

 
 

而前扣的設計十分方便,只雖然左右貼好扣上即可,不過去到打造事業線方面效果就唔算太明顯,可以我穿著方法有點問題吧!最後,我覺得大家唔係好在意事業線問題,平平地買個無帶Bra for著晚裝都真係買得過!

 
 
 

Bow Tie

 
 
 

講完女士,當然唔少得為你男人入手一D配飾啦~

其實正確最好就一整套西裝、馬夾同西褲會最好,不過今次主要是想影小清新風格為主,Casual得黎又有D正式的感覺,就買了兩件配件俾男人啦!第一件就係Bow Tie仔~

 
 

P.S. 我男人平既返工都不用穿西裝的,所以家中沒有西裝褸,如果你男人有都不妨可以帶埋去!

 
 

淘淘的Bow Tie真係又平又多款,由人仔5蚊至30幾蚊都有,不過人仔1x蚊果d都已經好靚了!

今次入手左3個Bow Tie,加埋都係唔洗人仔40蚊,太抵了吧~

 
 

 

實物圖

 

呢款係貴少少,不過質素唔錯,官方圖片跟實物係冇差別架~

 
 

 
 

實物圖

 

另外都買左兩個淨色款,不過今次輯相就冇用到,只用上了上面果款~

影埋俾大家睇有個參考啦!

 
 
 
 

《褲頭吊帶/背帶》

 
 

另一樣配件就係褲頭吊帶啦~

 
 

實物圖

 
 

賣家都包裝得好好~實物如圖,好高質呀~

同樣有好多圖案印花選擇添~都係人仔25蚊ja~好抵吧!

 

 
 
 

另外男人自己帶左白色恤色同著左條卡其色長褲,配合返今次小清新的風格~

 
 

 
 

出黎個效果就係咁啦~冇西裝褸個感覺都唔會太差吧!

 
 

婚紗禮服篇婚享就黎到呢度啦~

不過一個Pre-Wedding又點止得呢D,因為資料太多,我好想詳細同大家開心Share,黎緊仲會分別幾篇同大家分享道具、器材、拍攝技巧、化妝髮型及行程選址及大家最期待的完成品等等,希望大家可以有一個參考,幫到大家啦

 
 
 

謝謝你地睇到最尾,因為我份人比較長氣,唔好介意XD

有問題隨時PM同我交流啦

 
 
 
 
 
 
 
 

以上都是我的用心分享,大家喜歡的就留言支持下~你們的支持就是我的原動力!也歡迎PM與我交流,多多指教!

#以上為非邀稿文章 This Blog is non-sponsored #

**********************************

歡迎聯絡合作

Wing Ho

Instagram: FINGYANWING.MAKEUP

 
 

**********************************