小魔怪

4個月前

【飲食】任食。任拎。任你飲 ❤任食任拎你飲馬辣台式鴛鴦火鍋☆

早前係面書見到有個Post,話有種人問佢食d咩
一定答【打邊爐!!!!】
最好仲要係任食個d ,雖然食材一定唔係咩靚料
但係對於我地呢d 有時唔知諗食咩好
又或者想食飽d,除左放題打邊爐絕對係我不二之選

早前去開荃灣剪頭髮,
再Join 番老公同Gogo真係唔知去邊度食飯好
想去食鐵板餐,個度又迫又細又入唔到BB 車
去食沙X王又話唔好食
問佢再食放題好唔好又話唔想咁快又食
突然醒起,我朋友仔講過荃灣有間任食打邊爐係抵食架啵


 即刻問佢係邊間啦?原來又係餐廳集中地
而我地今次既目的地就係馬辣台式餐廳火鍋
講下有咩咁抵食,首先只係$158加一可任食任飲兩個鐘
我地屋企附近d 酒樓都唔多,仲要冇咩野食揀

另外湯底即使兩丁友都可以有兩種湯底
岩曬你想食辣我又食唔到辣既朋友
不過由於我地都驚Gogo 要食既問題,
所以就叫左胡椒豬肚同埋莞茜皮蛋湯底


講起任食問題,呢度既任食食材真係好多
真係你講得出既丸類都有,仲有一些海鮮類啦
同埋d 麵呀同烏冬等等
少不了當然有蔬菜啦


對於飲品,好多人會認為一定又係汽水啤酒呀
其實係呢度真係有好多熱飲揀,好似有自己揀既花茶
有茶包,有涼茶亦都有乳酪飲品
真係應有盡有,最重要係自己取唔洗叫又唔洗佢拎黎


今次我地先試左少少自己出去拎既食物,
有時任食最怕就係d 野食唔新鮮都唔係重點
係梅梅爛爛咁樣真係夾都唔想夾
但係睇落d 食材都不錯
起碼唔會全部都係冰
又唔會係水滴滴咁,不錯呀


跟住我再介紹落去就係要劃紙仔既食品啦
首先要出場既就有係是日海鮮
當日我地食既就有蜆肉同海蝦

老老實實我開頭對於海蝦係不予期望的
因為食親都係又梅又爛多,但係今次我地既呢一款
反而新鮮的仲幾彈牙,仲有幾隻郁緊tim
另外呢隻蜆肉又唔會成口沙,應該真係有拎水浸過wor


然後少不了有肥牛啦,如果有留意我Blog文頂張圖
成座山咁高既就係肥牛啦,個人建議四隻顏色每款揀一盒先
亦可以揀番自己鐘意既口味呀嗎

分別有白色的美國精選牛五花
比較薄身一點,味道就尚可

另外呢個係綠色的安格斯黑牛
同樣好似差不多,但係比起平常的肥牛好食


輪到藍色呢款,我覺得係最愛牛味既無骨牛小排
超好食的,不過先叫一盤先,太多太漏的


最後就係紅點既頂級美國牛梅花
肉質較厚,牛味亦好重但係唔夠藍點好味


其實當我地食完d 牛同埋一盤自取既食物真係飽到頂點!!
但係甜品仍然係另一個胃既,所以一定要食埋佢地既甜品
由其雪糕啦同埋有一些燉蛋食

真心推介,抵食之選!!
是日分享餐廳係馬辣台式鴛鴦火鍋
荃灣眾安街55號大鴻輝(荃灣)中心8樓

就這樣完結啦,下次再見!(拜~)
◕‿◕如有任何合作事宜.
歡迎以電郵或者到FB Page找我 ◕‿◕
謝謝唷!

Contact me:manman811@gmail.com