屯門三餸飯店顧客發現飯盒有煙頭 事主接受解決方法再要求500賠償?

 

 

 

全文:

屯門紅橋X記美食,8月6號下午一點鐘左右,我自備飯盒去買齊記三餸飯(番茄炒蛋、生炒骨、四季豆),返到公司同我十歲嘅細佬一齊食嘅時候,食到飯入面竟然有煙頭,好彩唔係我細佬食到姐!我咬左落去係充滿薄荷味(相信裡面有爆珠),嘔心至極 我當場嘔左出黎,發現係已經索曬汁嘅煙頭,我搵返佢地專頁要求交代,佢地答覆就係將責任推卸比供應商,話佢地無員工係店鋪食煙,我覺得就係語言藝術黎嘅,我同我嘅同事平時落街買飯都有見到佢哋嘅員工著住齊記制服係街邊食煙,又的確係無係「舖頭」食煙嘅,但我敢講佢地絕對有員工係食煙嘅
老實講,我係唔相信係供應商有問題,再者,就算係供應商有問題,你地煮嘅時候係咪唔會檢查清楚?打住你地齊記嘅招牌買嘅飯係咪真係可以一d都唔關你事?老實講,我覺得如果係發現有髮絲果d我都覺得無咁嚴重,但煙頭啊大佬,可想而知平時你地煮飯嘅時候嘅衛生狀況係幾咁惡劣啦。
最後,我要求賠償$500,如果係覺得我獅子開大口嘅話,可以照同我講,但就唔係潛水,已讀不回我,已經超過24小時無回覆我,我先迫不得已上黎申訴,我已經打過去食環署,但線路繁忙飛左去垃圾留言信箱,我都想佢正面面對問題。呢件事我夠膽用我全家性命發誓,我同行一齊買飯嘅10歲細佬都親眼目睹整個過程,我身為佢啊哥絕對唔會教小朋友講大話,我公司數個同事亦都係親眼睇住我食到煙頭,我絕對唔係係度作故仔屈佢嘅。
(repost因為唔記得遮電話號碼,塗黑左嘅地方係電話號碼)

 

 

 

 

 

 

 

 

 

網民留言:

 

 

 

資料網友提供,貼文只供back up用途

來源:網上資料

聲明:以上資料轉載自網絡,僅供參考。

 

小編推介

搜尋
x