黃絲獨女舉家移民英國做「二等公民」 藍絲老父:臨老無人養,好陰功!

英國供香港居民入籍的「英國海外國民」(BNO)新制中,「特許入境許可」(LOTR)期限明天到期。,不少香港民眾為此趕在今天搭機離境,使機場滿是人潮,不乏含淚道別的場面。

因應「港區國安法」實施,英國2020年中宣布BNO新制,讓持有BNO的香港居民自今年1月31日起,可與家人循LOTR機制前往英國居留,滿6年後可取得永久居留資格。中國當局對於此舉表達強烈不滿,並宣布不承認BNO為有效證件。

此後,英國政府數度延長LOTR期限,先是延至3月31日,後來又依次延長到5月17日、6月21日。最新一次延長的期限為7月19日,此後未再有新的變化,導致不少原本心存觀望的香港民眾,在上週趕辦赴英手續及搶訂機票。


全文:

Nancy get lose 真係陸續有來。
前幾日深夜,客人 C 小姐 whatsapp call 我,話一家到左英國,同我報個平安。
C 小姐四十出頭,係一名教師,先生係醫護,有個仔,一家三口都係黃絲,有層樓,典型中產。
C 小姐母親已去世,父親係的士司機,做過裝修、酒樓、保安等藍領工作,係一個藍絲,覺得黃絲搞亂社會:「警察對付暴徒有咩問題?最好打死哂佢地!」「黃絲搞亂香港,累到好多人失業!」
C 小姐係家中獨女,出身基層,母親做兼職維生,父親係家中經濟支柱。小時候,父親爛賭,生活清貧。中學時,父親去左大陸工作,包埋二奶,另有家室。
過幾年,C 小姐讀大學,父親老來得子,為左二奶和兒子可以取得身份證,就同母親離婚。
C 小姐出來工作後,父親不時搵佢飲茶,當然係為左家用啦。每次見面時,父親就話:我養到你咁大,依家你孝順返我好應該呀!你搵多 d 錢,我先有面丫!
母親重病彌留之際,父親只係探左一次:因為果個大陸女人唔鍾意。
母親去世,父親都無去送,C 小姐眼泛淚光,話:個大陸女人到我媽死左,都要霸住老豆,送一程都唔俾……阿媽跟左佢幾十年,到死連少少尊重都無!
父親反對 C 小姐同先生來往,仲成日話:阿女,揀老公梗係揀差佬啦!又搵到錢,又有宿舍住,又有面,無人敢恰我地!有個差佬女婿,我威好多架!
C 小姐無理父親,同做醫護既先生結婚生子,靠自己努力,過中產生活。
至於父親,佢位大陸老婆拎左身份證就同佢離婚,阿仔都跟阿媽再嫁。呢幾年,父親自己一個住單人公屋,揸的士維生。
呢兩年,父親成日向 C 小姐訓話:「你同你個「黑醫護」老公唔好搞事,有咩事我唔會幫你地!」「好心你地醒下啦!俾人利用左都唔知!」
C 小姐搵我批八字後,決定舉家移民英國,仲一直暪住父親。上機前,C 小姐打電話俾父親,父親先知呢件事。
父親聲都震埋:阿女,老豆年紀大啦……你可唔可以……唔好走呀?
C 小姐冷笑一聲:對唔住,我要為我個仔着想。
父親喊住話:我……臨老無人養……我死左之後點呀?無人幫我收屍……好陰功架!
C 小姐:放心啦,老豆。依家香港無哂你口中既「暴徒」同「垃圾」,好左好多架啦!你有事咪報警囉,警察會幫你。
父親:我養到你咁大,你點可以……
C 小姐:喂喂……我上機啦,拜拜!
呢幾日,打哂兩針科興既父親 whatsapp 打過好多次俾 C 小姐,C 小姐都無理,直到依家。
講到呢度,C 小姐語帶哽咽:我終於可以離開呢個藍絲老豆啦!由佢拋棄我同阿媽,同個大陸女人一齊,佢就預左有今日。
C 小姐補多句:依家我呢個黃絲女走左,唔使篤眼篤鼻,佢開心都黎唔切啦!
我:依家你老豆「求仁得仁」,你應該係英國同佢用 zoom 開香檳慶祝呀!
藍絲們,唔好怕。反正黃絲去英國做「二等公民」者,對香港無乜影響。香港有你地建設就夠啦,係咪?

資料網友提供,貼文只供back up用途

來源:網上資料

聲明:以上資料轉載自網絡,僅供參考。

小編推介

【有片】公路高點欣賞風景車子突衝落懸崖 婦人絕望的...

有「中國最美公路」美名的新疆獨庫公路...

【有片】渠蓋突爆炸噴射火焰 男慘被炸飛二級燒傷

恐怖!美國有民眾去繳電話費時,路上突...

男星突拋震撼彈:禮拜五讓林俊傑、潘瑋柏退演藝圈

大陸男星吳亦凡近期深陷性醜聞風波,導...

庾澄慶19歲帥兒正式出道! 伊能靜發文震撼宣告:你...

庾澄慶(哈林)與前妻伊能靜的兒子「小...
搜尋
x