學神遇上教車師傅人身攻擊侮辱屋企人 受害人主拍下教師証時被叉頸 面部受傷

 

 

 

 

 

 

 

 

 

 

我係琴日學車既當時人,事源琴日我個教車師傅搵咗另一個師傅幫我代堂,嗰個師傅我同佢素未謀面,但之後就係惡夢既開始。
當時一開始揸車佢就已經態度唔好同一直玩手機,上堂唔夠5分鐘就開始講難聽嘅說話同侮辱我,話我揸車好差,又人身攻擊我叫我唔好再去學車。咁我都忍氣吞聲,我都有禮貌咁樣去回覆佢同請教佢,無粗口爛舌。
揸車途中佢叫我唔好再行街,叫我泊返去大球場門口淨係練開車同熄車練到落堂為止。咁我都冇辦法,咁我都唯有接受就慢慢咁揸返返去。正當我揸返去嗰陣,佢就話今堂唔會再教叫我唔使俾錢,叫我去大球場就可以落車走,咁我同佢講話冇問題咁我揸返返去先啦。但係最好笑嘅係,當我返到去大門口之前,佢突然反口叫我比低$600學車費先可以走,就算我要走都要俾咗佢先得,但係我上咗15分鐘都無。
我都唔知做乜嘢事都好似激嬲咗佢咁。揸車返去嗰陣,都落咗幾次好重嘅brake,成個人同坐位都離一離嗰隻。喺幾下重brake入面,只係有一下同架死車側面塊鏡有啲貼,但我覺得都唔需要咁重brake。如果真係會咁貼咁危險點解唔一早叫我貼埋另一邊呢?而係去到近一近先重brake我?佢正常做法應該要提早同我講或者提醒我,唔係等到最後嗰刻先嚟重brake我。
由頭到尾就踩到我體無完膚,不斷話我唔好學車唔好去考試。亦都好串咁講話自己咩車都識揸。上堂唔夠15分鐘就完全唔知道點解佢要咁樣人身攻擊我之餘亦都要侮辱埋我屋企人,最後更加出手叉我頸推我埋去玻璃度搶返個證,完全唔明白呢個人嘅所作所為。
琴日已經事侯同警察落咗口供,同埋去咗驗傷。而家情緒仲有啲激動,琴晚又無覺好瞓,心力交瘁。我想將呢個嘅教車師傅嘅惡行要公諸於世,希望唔好再有其他嘅受害者出現!

 

 

可能是 1 人的圖像

未提供相片說明。

可能是 1 人的圖像

可能是室內的圖像

小編推介

搜尋
x