中超門將足球竟然掟入自己龍門 柬埔寨主帥:中國已淪為亞洲三流球隊

 

 

 

 

 

 

禮拜二晚一場中甲成都蓉城對黑龍江冰城,下半場成都門將張一諾想用手掟波畀隊友嗰陣,竟然掟返入自己龍門。賽後呢球世紀烏龍當然喺網路上瘋傳,亦都惹嚟唔使質疑同猜測,但我認為都係別有心人士說三道四。
首先,中國足球肯定冇假波。中國一早就步入小康社會,而且近年球市興旺,搞波嘅財團間間財政健全,球員工作穩定,待遇一定唔會差得去邊。試諗下,當你返到屋企燈一開就有光,冷氣一開就有風時,仲使咩為咗區區小錢踢假波?所以一定係無稽之談,反而傾向相信呢球世紀烏龍出現,其實是在下一盤很大的棋。
呢球烏龍早唔出現,遲唔出現,偏偏就喺中國鬥越南前出現,明顯係有計劃。對內,網民將焦點放喺呢球烏龍上,恥笑又好,討論又好,起碼令國人關注轉晒去呢到,少咗人理中國隊踢成點,肯定令球員都壓力大減,一定可以更揮灑自如。對外,依家社交網路咁發達,條片不斷foward出去一定會畀越南隊睇到,到時佢哋以為中國足球就係咁不堪掛住笑就會輕敵,咁國足就有機會大勝一場,晉級世界盃機會又大增。所以,呢球烏龍擺得真好!

</div>

中甲南雄太!成都蓉城門將張一諾手拋球扔進自家大門

中甲南雄太!成都蓉城門將張一諾手拋球扔進自家大門

柬埔寨主帥稱中國已淪為亞洲三流球隊

 

 

世界杯外圍賽,柬埔寨主帥日前表示:「根據我嘅觀察,睇怕中國隊無機會出線。」明明柬埔寨一早已於外圍賽出局,兼且世界排名174,落後中國成100位。何以佢哋咁大言不慚,而大陸媒體竟然又好重視呢個消息呢?

因為,佢就係日本球星本田圭佑。

 

本田有幾勁? 論名氣,雖然佢未必比得上大師兄中田英壽或者踢過曼聯嘅香川真司,不過本田足跡遍天下,去過荷蘭、俄羅斯、意大利 (AC米蘭)、墨西哥、巴西、澳洲、葡萄牙、阿塞拜彊以及最新去到立陶宛踢職業聯賽。2018年開始受聘於柬埔寨,以兼職身份出任國家隊教練。

 

本田日前向媒體指出:「從與日本隊的比賽就可以看出來,中國隊已經淪為亞洲三流球隊了。以中國隊目前的足球水平,他們很難打進卡塔爾世界杯的決賽周。」

就係因為係本田圭佑咁有見識,加上講嘅係事實,所以就算對中國隊批評得咁徹底,大陸媒體亦無咩反駁。

中國晉級要問過越南先

世界杯外圍賽亞洲區已進入12強階段,分兩組進行小組循環賽。中國被編入B組,目前兩戰兩負零分,與越南緊守榜末。10月7日中國作客越南,係兩隊生死戰,得勝一方尚有一線生機爭奪出線機會。

中國隊之所以咁多年都一厥不振,除咗球技、戰術問題,球員同領隊嘅識見,都比其他國家輸蝕好多。

討論】本田圭佑:中國已淪為亞洲三流球隊@場外休憩區哈啦板- 巴哈姆特

資料網友提供,貼文只供back up用途

來源:網上資料

聲明:以上資料轉載自網絡,僅供參考。

小編推介

搜尋
x