馮盈盈疑主動出招攻陷方力申 遭方媽媽當面話「你入唔到門」

馮盈盈自從2019年尾分回復單身後,多次與圈內、圈外的男士傳出緋聞,不過仍然未有聲氣。好想拍拖的fyy,早前在視后胡定欣的生日飯局上,見到同是單身的方力申,fyy都是主動出擊,用開籠雀招數攻陷小方,最後兩人還是雞啄唔斷。其後小方與殘奧運動員開直播,也主動邀請盈盈加入。而飯局內的黃智雯、陳敏之及林夏薇等,將fyy的舉動看在眼內,於是幫手起哄,大讚兩人非常合襯,要求他們合照。小方即反客為主搭膊頭,fyy不禁流露甜蜜笑容,兩人戀情疑似萌芽。

 

方力申自從同鄧麗欣(Stephy)分手後一直單身,不過佢同陳瀅嘅緋聞就傳咗好耐,陳瀅日前就表示佢以往拍拖都係相識無幾耐就知自己對人有無feel,但與方力申已認識5年,早就錯過咗戀愛嘅可能。

雖然同陳瀅嘅緋聞並未成真,但方力申出席胡定欣生日飯局時與馮盈盈又傳緋聞!有報道指馮盈盈喺飯局上主動出擊,撩方力申傾偈。

不過Crystal其後向傳媒解釋,當日因為在場朋友起哄才無奈合照,又自爆曾被Alex媽媽取笑她入唔到門。Crystal表示之前曾與大班圈中好友到Alex家中玩,怎料被對方的愛犬狂吠,似乎不太歡迎她,結果她即場被Alex的媽媽笑她表示「咁你入唔到門喇!」

 

其實馮盈盈同方力申之後仲有合作機會!據稱佢哋11月將會合拍葉念琛監製嘅新劇,同劇組仲有方力申之前嘅緋聞女友陳瀅。其實入行超過20年嘅方力申有收藏名畫嘅愛好,又曾購入數千萬豪宅,保守估計身家過億!

 

 

 

 

 

小編推介

搜尋
x