大家好，我是一名香港警察員工，對於近兩年香港警察手法爭議，引發熱烈討論如對付香港警察，我有少少意見。
1. 首先利申，我唔認同執法手法。
2. 有人話，做警察就係共犯，有良知應該辭職。首先我想講一句唔好聽嘅，我哋都要生活，係好卑微，但呢個係事實，我唔會否認，好多同事屋企一家大細，真係唔可以話走就走。同時我哋都會諗，我哋堅守工作崗位，盡力把事實全部記錄低，點解最尾我會被逼到生計無埋、飯都冇得食？點解唔係坐喺房入面嗰啲人去承受？
3. 有人建議搞屋企人，宿舍，起底，麻包袋我覺得大家要搞清楚敵人。敵人係港共高層習近平同埋共產黨，前線警察，督察，PPRB，指揮官，都沒有自主權，只是按指示辦事。至於署長，署長都無自主權，只有保安局出名嘅最高層話事人先有較大自主權，但其實佢哋大多不敢逆高層意思。所以，最大黑手係林鄭同中共！尤其是林鄭，更是直接參與。
我地前線警察都係打份工 係無辜架
4. 無可否認，警察既執法係間唔中有少少偏頗，我唔贊成阻撓警察執法，我哋只負責維持治安，上到國安做乜我地真係控制唔到，真正仆街嘅係坐喺冷氣房指指點點嘅人，希望大家可以諗深一層，無我地喺前線嘅堅持，警察一早已經變左中共軍，你地過去兩年抗爭嘅同時，我哋一樣內部抗爭緊，不篤灰不割蓆！
5. 真心希望，大家唔好搞出去執法嘅同事。行出去，畀大家鬧，返到去，再對住呢班老細，我哋真係好辛苦好大壓力，希望大家體諒。同埋希望大家唔好起底，真的。如果喺現場，你覺得我哋（或任何警察）有違反操守嘅行為，即管質疑，但希望大家真係唔好見到警察就圍。
6. 最後， 唔係我地前線係內部抗爭既話 警察一早就染紅啦 希望大家唔好再屌我地 要屌就 我地都係人 你有權唔鍾意、唔睇 但無權利去圍一個係工作崗位既人 又唔係古代 我一個打警察既工 就要誅九族嗎？關屋企人咩事？公道d 好嗎
資料網友提供，貼文只供back up用途
來源：網上資料
聲明：以上資料轉載自網絡，僅供參考。
