老闆質疑打工仔去廁所點解仲有糧出 認為應設「廁所拍卡機」

人有三急,在所難免。無論是打工仔或是老闆,總有去廁所的需求。不過,日前有網民以老闆的角度在討論區發文,質疑員工去廁的時間為何仍計人工。帖文一出,引起網民熱議,有人直言「而家係請人返工,唔係請奴隸」。

樓主:去咗廁所都唔係做緊嘢 點解仲有糧出?

一名自稱是老闆的網民於討論區以「其實點解返工期間去廁所都計人工?」為題開post,他表示員工去廁所時並不會工作,不明白為何仍要出糧。「去咗廁所都唔係做緊嘢,點解仲有糧出?計我話除咗食飯唔計人工,去廁所都可以唔計!」

帖文一出,引起其他網民熱議,有人指自己去廁所的時候仍會記掛公事,亦有人表示反問「屙緊屎唔可以同時諗緊點覆Email咩」,不明為何樓主要質疑員工。

惟樓主卻回覆網民,認為員工去廁所的時候諗公事是應該的:「我係老闆,諗係應該,無時無刻都應該為公司奉上一切。」

他續表示,入廁所應該拍卡,甚至認為員工「諗嘢喺屋企諗定」。

「我認為入廁所應該打卡,諗嘢喺屋企諗定。你做嘢會唔會唔讀書無學歷就有公司請?讀書都要公司出糧?

去廁所計人工 文
樓主認為去咗廁所都唔係做緊嘢,不明白點解仲有糧出?(圖片:Unsplash)

網民:去廁所去得幾耐?慳番啖氣,唔好計

樓主的回覆引起其他網民熱議,有網民坦言若樓主設拍卡機,計算員工去廁所的時間後再調整人工,成本高昂,更表示員工去廁所會去得幾耐,建議樓主「慳番啖氣,唔好計」。

「好簡單,你要去廁所唔計人工,就要喺廁所整拍卡機,然後又要人再計多次人工。手續繁複,計算成本高,但係去廁所去幾耐?兩分鐘?換算時薪60蚊,咪係2蚊鬆啲?一日去兩次先4蚊。

咁樣計,你去統計去幾耐廁所嘅成本,其實仲多過畀少咗嘅人工。即係好似一蚊交稅咁,收嗰一蚊嘅手續費係2蚊,即係倒貼。咁倒不如慳番啖氣,唔好計,當係豪畀你算數。」

 

網民:請奴隸定員工?

有網民認為樓主若想實行去廁所唔計人工,應先熟讀法例,重新研究合約,以免因小失大。

「要睇簽約點寫,重有小心碰觸到職業安全及健康規例。如果你想慳,請人時份約要講明同寫明去廁所時間唔計人工,同埋會計去廁所時間,但係你要玩嘢記住睇住後欄同熟讀法例,小心因小失大。」

大部分網民均認為樓主的想法過於苛刻,認為樓主需要的是一名奴隸而非員工。

  • 「好簡單一個答案,你係請人返工,唔係請人做奴隸。」
  • 「你有無咁多嘢做先?唔滿意咪斷job計囉。」
  • 「Utilization rate(利用率)唔會去到100%。」
  • 「畀你做老細肯定無人想打你工。」

 

 

 

 

小編推介

SWAG最會賺錢女優收入曝!暗黑版吳佩慈現身:只出...

號稱亞洲最大的成人影音網站SWAG日...

天道盟小弟不滿大哥教訓 八里街頭轟2槍射殺「八哥」...

新北市八里區今(12)日下午2時發生...

徐玄不敢碰金正賢的手 舊影片曝光⋯粉絲心疼:拿麥克...

南韓男星金正賢近年來透過《愛的迫降》...

重大進展!怪手不是李義祥開的 釀禍5分鐘過程全曝光...

台鐵太魯閣號撞上工程車造成49死20...

徐睿知深夜緊急公告「缺席記者會」 3年前幕後花絮放...

南韓女星徐睿知主演《雖然是精神病但沒...
搜尋
x