香港人只有靠自己!分析香港國際視野形勢

 

絕對明白大家心情都好沉重,亦覺得好憤恨同無力。正正因為咁,因為情況特殊,恕我破例唔曲線好直接咁講個人睇咗咁多國際新聞同評論之後,從來都無講過香港响國際上嘅處境,大家需要有嘅心態同可以做嘅事。只此一次,下不為例,當中可能會過份坦白,所謂忠言逆耳,唔鐘意嘅唔即刻Unlike(記得順便Unfollow)。而啲「怨婦」「英國欠咗香港」「信唔過」嗰啲,請立即過主!因為我討厭呢類人比藍絲、廢老廢中同紅粉尤甚!

首先依家國際外交關係嘅大環境,根據《Foreign Policy》嘅報導,民調無論係美國、歐盟、英國等西方國家嘅國民,疫情期間對中國嘅反感率,最低嘅係六成幾,最高嘅美國七成幾,反中心態好明確嘅。不過咪高興住,因為同時民意對美國政府嘅好感度只有兩成幾。原因好簡單,因為Donald Trump政府對盟友嘅外交政策太飄忽,保護主義太強自己友都唔放過。用關稅對付中國嘅同時,亦用差唔多嘅嘢壓迫歐盟、英國、南韓同日本。追北約同其他軍費大家可能聽過,呢樣間接等如唔幫EU對抗最近嘅敵人俄羅斯。酒、汽車嘅關稅呢啲已經算小事(對法德甚至蘇格蘭就好大鑊)。而最惡嘅係所有美國網絡公司,例如Amazon、eBay、FB之類,响歐洲英國賺嘅所有錢,只會交稅比美國,而EU同英國一毫子都唔準收,邊個收就反制邊個(法國先中招)。

即係Donald Trump响傳統盟友嘅國眼中,觸摸唔到利益重要還是國際價值重要,根本唔可以好似以前冷戰時代列根咁,做大哥帶領西方一齊合作。咁意味啲咩呢?好容易有機會令中國揾到突破口,講錢合作做生意不提政治,變身做分化L。呢啲去全球化單邊孤立主義係大環境,歷史上都試過,三十年代美國咪係咁囉,大家記得邱吉爾跪到出血,美國政界初頭都唔肯幫手㗎(歐洲關我忍事呀?之前一戰加西班牙流感仲瀨唔夠呀?)。

而香港人憤狠同反抗好正常,配合美帝都無乜得錯,因為始終係唯一有力抗衡嘅超級大國,而且真係有出手。但係點解要好學唔學,學堆美帝咁四圍屌其他國家唔幫手或者遲咗出聲就係「奶共」或者「依家先醒」?現在唔好話香港,就算美國到全世界,最需要嘅團結互相支援,幫手頂住個養大咗嘅強權。美帝係超級大國,全個歐洲同英國比美帝屈同屌唔出得聲無計,咁請問香港人係邊位呢?喂,那怕美國都唔可以聽日立即無咗中國市場同生產,何況其他小國?況且邊一個國家同人民唔係先要照顧自己嘅利益,仲要依家夾住咗响中間。民意又唔鐘意中國,但Donald Trump既癲到估唔到又屈錢,點歸隊Assemble?疫情死咁多人,隨時面對經濟衰退,點解要有責任照顧遠東嗰一點裡面嗰七成人嘅情緒同慘況先?係良知同國際同理心,對英國EU黎講利益好唔算多㗎,唔好太自大。仲要出咗聲,做始做緊嘢都要嫌手腳慢?工人咩?

另外,真係唔好將任何國家當成一個香港偽人咁,二元分黃藍,奶唔奶,得唔得?剩係英國就有650個民選議員,六千六萬國民,點可以當係一個譚詠麟咁一個個體咁鬧晒係奶共狗?嗱,我本人就一定係喇!日日都華為華為,35%剩係天線邊周限制係咩概念唔理,保守黨內鬥反對未過到又唔聽。評論英國用華為嘅時候,唔該先了解下英國輿論、民意、國會形勢、權術、結構、立法程序先好唔好?好老實講,我依家上網得78mb/s,4G最快得50多啲,出一個圖加字嘅Post要十幾秒,尋日upload條片等咗1個鐘,load個page四個post之後要等!國民利益權宜之計重要啲,還是香港人嘅情緒重要啲呀?Boris Johnson係廢,咁係邊個响由前年G7前年鬧交鬧到傳媒都影到,變到上年美帝同EU肯坐低傾知唔知?自從保守黨出現反共鷹派,美帝就一粒聲都無再提英國用華為,反而高高興興傾Trade Deal,點解?知唔知全個西方社會最無朋友嘅國家,美國加英國夾埋諗緊乜?(我都唔知)

而以保守黨內嘅紀律性,邊個容許佢地越玩越大?知唔知黨鞭係咩黎㗎,上年Boris Johnson响國會最困局嘅時候,都可以掃走唔聽話嘅自己友,點解近排班友隔個禮拜咁咬佢嘅親信Dominic Raab(老細差啲死嗰時係,指定佢係代首相呀)又無事呢?唔好諗,太深喇,議會政治嘅嘢都係BB班學起好啲,反正好多人連香港議會知識都唔清唔楚。

咁講只係希望大家試下了解多啲國際上,唔只係整體,而係每個西方國家嘅風向,响唔同時候感染唔同嘅國家。情緒係人都有,視線主要放响自己地方亦係天經地義,但係點都要知道咩時候,配合國際形勢,同咩人做同講咩。作為香港人,包括我自己,一世都唔會亦唔應該忘記呢十幾個月嘅發生過嘅所有嘢(仇係放响個心,唔係攞黎用把口不停講)。不停咁機械式咁重複,會好容易令外國社會麻木,畢竟國際慘事日日新鮮鑊鑊勁。要人同情自己嘅時候,亦要攞個國際同理心出黎connect,只係適當嘅時候先抽返張慘情牌出黎。今次疫情台灣就係例子,大家响國際上有無聽過台灣人話當年美國出賣台灣,然後全世界「奶共」,欠咗台灣吖?

講慘,講無自由民主法治,講耐痛苦頂唔順,智利、委內瑞拉、敘利亞、比英國佬「出賣」嘅前殖民地尼日利亞、肯雅、緬甸、烏干達、伊拉克、喀麥隆,幾十年黎到今日都仍然係人間地獄,香港排响邊?咁講可能好涼薄,但係歷史上所有獨裁社會變革之中,越黎越癲嘅制度係必然過程,越癲只係證明篤中咗要害或者自己出咗問題,剩返嘅就係國民堅持、覺悟同智慧,仲要時機同時間。呢啲係歷史定律,係好漫長痛苦。响近代歷史上面,無一個抗爭地區唔係美帝嘅棋子,覺得美國唔會當人係Condom可能天真咗啲,早幾日四十周年嘅南韓「光州518」大屠殺,台灣嘅228,美國當時都係知仲默許㗎。光州人用咗十幾年先可以平反,南韓人爭取完善嘅民主幾十年,到今日都仲做緊。台灣228事件,到今天都未能夠完全轉型正義。路可以好長,好痛苦,歷史係會重複,分別只係响人民有無堅持、覺悟同民智進化,唔好講南韓同台灣,睇下德國同意大利呢兩個法西斯老祖宗戰後嘅改變,然後望下南美同非洲,人民保持自我進化係好重要,否則革了命,脫了殖都係多餘!

希望大家千其唔需要認同我,信一個無謂人不如先學好英文,睇多啲外國新聞,仲要加埋評論,唔只要用眼讀,仲要睇穿當中嘅意思。唔好睇野咁零碎化,要有記性同時序,亦要思考同批判多啲(外媒唔係大L晒一定啱,所以本人越睇得多就覺得自己越無知)。需要情緒發洩嘅時候就盡情發洩,但係唔好比情緒主導思考同分析。最後,希望大家做到嘅係唔該盡力揾返香港人本來有嘅幽默感,因為呢個都係重要嘅軟實力武器之一(泰國人表現咗㗎喇),香港人攞返本來有嘅軟實力出黎,對手軟嘅時候就硬,硬嘅時候就軟,想我喊就笑比你睇,諗住氹返我就反而XX你,吹咩!

P.S. 只要一日仲未死,剩返一口氣,就算幫唔到咩,都至少陪大家繼續國際信鴿,因為我相信無嘢可以阻住Hong Kongers再進化(除咗自己放棄)!

 

from:Goodbye HK, Hello UK

小編推介

【有片】大波man 去黃店踩場

唔講都唔知有優惠,幫手宣傳 &...

首宗反修例暴動案裁決 男生罪名不成立 官:不能安心...

市民去年10.1在各區示威,警方在各...

有片!大陸領導閱兵,中國特警翻牆失敗意外墮地

有片!大陸領導閱兵,中國特警翻牆失敗...

尪無法滿足我!大媽一女戰2男 評斷誰最強

婚姻不只是2個人的事,需要共同面對的...

做1年賺2年!這家公司員工平均薪資福利近300萬

傳統產業也有幸福企業!和泰汽車的福利...
搜尋

喜歡我們的文章嗎?按個讚吧!

關 閉 視 窗