【黑店】荃灣寵物醫院 不負責任、毫無交帶!

診所名稱:荃灣寵物醫院 (荃灣沙咀道168號)
主診獸醫: 鍾禎熙
事發日期:2020年3月5日
黑店!

事發經過:我隻貓貓而家3個月,要打第二針,經男朋友親戚介紹 幫手預約,諗住熟人信得過,約左5/3/2020 12:00,我地準時去到,助護joanne都知道我地係朋友幫手booking,之後佢問我拎隻貓,我俾左佢,佢就直接拎左入去,咩都無同我講,我地等左大約5-10分鐘,覺得唔對路,點解你拎我隻貓入去主人唔叫埋入去?

我地就問返佢地,我地隻貓係邊,我地係咪要入去? 助護問我個貓袋咩色,我答左黑色,轉個頭佢連袋拎返出嚟比我,佢講左句,打左比你男朋友講啦。但我人係現場,點解你唔係直接同我溝通。我嬲到走左出去,打比我男朋友問佢講左咩,佢話幫佢寫緊張新針咭。我好嬲,原本我以為未打,因為我根本入唔到去睇,想係附近再搵間幫我隻貓貓打針。

到左附近個間,個間醫院嘅助護又打比我男友話已經打左針,下?我係你面前點解唔同我講?而重點係 過程間佢無問過我拎貓貓第一針嘅針咭!

我問三合一定五合一?杜蟲呢?到我地要再打返去間診所問,佢地支吾以對話打左架啦,杜蟲未食,我地問獸醫名 佢地好唔情願答。bo下?咁你唔洗講比我知你做緊咩?

最後我返去問佢地拎返第二針針咭,佢地先慢慢寫 品種所有野資料都無問過我! 佢地話會當免費,我唔接受 我照俾返錢,我亦都同佢地講咁樣嘅行為我係接受唔到,亦叫佢地寫清楚獸醫名,佢地都仲要糾結左成分鐘先寫到獸醫中文全名佢地,仲話返我應該知道經熟人booking係咁,會直接處理,唔洗做咩檢查,我從來都唔認為經朋友介紹booking 等於走後門,我要求嘅booking只係簡單應診,可以睇住貓貓比人檢查/打針。

無問我拎第一針針咭,無幫我貓貓磅過重任何野,就求其幫我貓貓打左針?咁樣係咪合理?我係你面前唔洗同我溝通?同個遠距離嘅人電話講?我接受唔到我貓貓咁樣比人啪左針我咩都唔知!真係好嬲!
而我拎左個獸醫名之後,我亦都google過,鐘禎熙獸醫係曾經出過醫療事故,導致人地隻西施狗一日內嘔血二十幾次! 我真係以後都唔會去呢間野。

==============================

來源:https://lih.kg/1911168
以上內容皆為轉發,只供備份參考。上述內容並不代表本站立場。

小編推介

去年接2297宗貪污投訴警佔最多 廉署:警隊是非常...

警隊過去2個月先後有17名警務人員涉...

【有片】大波man 去黃店踩場

唔講都唔知有優惠,幫手宣傳 &...

首宗反修例暴動案裁決 男生罪名不成立 官:不能安心...

市民去年10.1在各區示威,警方在各...

有片!大陸領導閱兵,中國特警翻牆失敗意外墮地

有片!大陸領導閱兵,中國特警翻牆失敗...

尪無法滿足我!大媽一女戰2男 評斷誰最強

婚姻不只是2個人的事,需要共同面對的...
搜尋

喜歡我們的文章嗎?按個讚吧!

關 閉 視 窗